რაიან გიგზი მიიჩნევს, რომ "მანჩესტერ იუნაიტედი" "ლივერპულს" უნდა დაემსგავსოს და გოლების გატანა მოედნის ყველა პოზიციის ფეხბურთელებმა უნდა მოახერხონ, რათა მთელი ჯაფა ზლატან იბრაჰიმოვიჩს არ დაადგეს.

"პარი სენ-ჟერმენიდან" გადასვლის შემდეგ იბრაჰიმოვიჩი "ოლდ ტრაფორდზე" შესანიშნავად გამოიყურება და საერთო ჯამში მან 27 გოლი გაიტანა "იუნაიტედის" მაისურით ჩატარებულ ყველა ტურნირზე.

თუმცა, 35 წლის ფორვარდს თავდამსხმაში მხარდაჭერა აკლია და ხუან მატაა ერთადერთი ფეხბურთელი, რომელმაც გოლების ორნიშნა (10) რაოდენობა დააგროვა მოურინიოს გუნდში.

მარკუს რეშფორდმა, ენტონი მარსიალმა, ჰენრიხ მხითარიანმა და პოლ პოგბამ შვიდ-შვიდი გოლი გაიტანეს მიმდინარე სეზონში, ხოლო კაპიტან უეინ რუნის ანგარიშზე მხოლოდ 5 ბურთი ირიცხება.

ეს აღმაშფოთებელი სტატისტიკაა "იუნაიტედისთვის", რომელიც მეექვსე ადგილს იკავებს პრემიერ ლიგის სატურნირო ცხრილში და ოთხი ქულით ჩამორჩება მეოთხე ადგილზე მყოფ "მანჩესტერ სიტის", გიგზი კი ამბობს, რომ ფეხბურთელებმა გოლები გუნდურად უნდა გაიტანონ, როგორც ამას სერ ალექს ფერგიუსონის ეპოქაში ახერხებდნენ.

გიგზმა ასევე მიმოიხილა "ლივერპულის" მაგალითიც, რომელსაც ჩემპიონატში ყველაზე მეტი (66) გოლი აქვს გატანილი.

"კარგ პოზიციაში იმყოფებიან, მაგრამ კონცენტრაციის გამო ფლავდებიან. ჟოზემაც თქვა, არა?

აღმაშფოთებელია. მატჩებში დომინირებ და ამდენი ფრე გაქვს. თავს ასწევ და იმაზე ფიქრობ, რა შეიძლებოდა ყოფილიყო.

იღბალიც თამაშობს როლს. პოგბამ ცხრაჯერ გაარტყა ბურთი ძელს. ეს მომენტები რომ გამოეყენებინა, ახლა 15 გოლი ექნებოდა. ამაშია საქმე, თავდაჯერბეულობაში - ყველაფერი ერთად უნდა მოხდეს.

მხოლოდ ერთი ადამიანის იმედი არ უნდა გქონდეს, რადგან მას დასვენების დღე შეიძლება მიეცეს. გასული წლის "ლესტერი", მაგალითად. კარგი, ჯეიმი ვარდის ბევრი გოლი გაჰქონდა, მაგრამ რიან მარეზმაც გაიტანა 17. სწორედ ეს არის საჭირო.

სწორედ ასეთი იყო "იუნაიტედის" ის გუნდები, რომლებშიც მე ვთამაშობდი. მე შვიდ ან რვა გოლს გავიტანდი, ბექსიც, სქოულზიც. ოთხი ცენტრფოვარდიც გაიტანდა. ცენტრალური ნახევარმცველებიც ასევე. ირვინიც გაიტანდა. გოლები ყველა მხრიდან გადიოდა.

მხოლოდ "ლივერპულს" შეხედეთ. მათ არ ჰყავთ ცენტრალური ფორვარდი, რომელსაც 20 გოლი გააქვს. მაგრამ ისინი ყველა პოზიციიდან იტანენ გოლს და წამყვანი გოლეადორები არიან. "იუნაიტედმა" სწორედ ეს უნდა დაიბრუნოს.

ჩემი მიზანი ყოველთვის გოლების ორნიშნა რაოდენობის გატანა და 15 საგოლე გადაცემის გაკეთება იყო. ეს 25 გოლია. ბექსიც თუ გააკეთებდა ამას, ესე იგი, ბევრი გოლი გავიდოდა.

სერ ალექს ფერგიუსონი გვეუბნებოდა "თქვენ ამას ველი". ეს ზეწოლა იყო, მაგრამ დანამდვილებით იცოდი, რას ელოდნენ შენგან. თუკი მატჩის მიღმა დაგტოვებდნენ, იცოდი, რატომაც მოხდა ასე", - განაცხადა უელსელმა.

წყარო: goal.com