"მანჩესტერ იუნაიტედის" ელჩმა, ენდი კოულმა მანჩესტერის სამეფო საავადმყოფოში ოპერაცია გაიკეთა და თირკმელი გადაინერგა, რაც წარმატებით დასრულდა.

გამოჯანმრთელების პროცესში კოული "მანჩესტერ იუნაიტედში" თავისი საქმიანობისგან დაისვენებს.

ენდი და მისი ოჯახი მადლობას უხდიან კლუბსა და გულშემატკივრებს მხარდაჭერისთვის. მათივე თხოვნით, მკურნალობის დამოუკიდებლად გაგრძელება სურთ და ითხოვენ, რომ ამას პატივისცემით მოეკიდონ.