ჰენრიხ მხითარიანი "მანჩესტერ იუნაიტედის" გულშემატკივრებს დაჰპირდა, რომ მომდევნო სეზონში უფრო მეტ გოლს გაიტანს და უფრო მეტ საგოლე გადაცემას გააკეთებს.

ჟოზე მოურინიოს გუნდში არცისე იოლი დასაწყისის შემდეგ 28 წლის ფეხბურთელმა შვიდი გოლი გაიტანა და 5 საგოლე გადაცემა გააკეთა.

მხითარიანმა მხოლოდ ერთი მატჩი ჩაატარა შეცვლაზე შესვლის შედეგად, თავისი პირველი გოლი კი ევროპა ლიგის ეგიდით "ზარიასთან" გამართულ მატჩში გაიტანა.

სომეხმა კლუბის თვის საუკეთესო გოლის ავტორის ჯილდო ბოლო ოთხი შემთხვევიდან სამში მოიპოვა და როგორც თვითონ ამბობს, 2017/18 წლებში უფრო მეტის მიღწევა სურს.

როცა ჰკითხეს, პრემიერ ლიგას ბოლომდე მოერგო თუ არა, ჰენრიხმა უპასუხა: "არა, ჯერ ვერა. ჯერ კიდევ მაქვს რაღაცები გასაუმჯობესებელი და ამის წინაპირობაც არის. ჩემს თავს კარგად ვიცნობ და დარწმუნებული ვარ, უკეთესად თამაში შემიძლია, ვითამაშებ კიდეც, რადგან თავდაჯერებული ვარ. შინაგანად ვიცი, რომ უფრო მეტის გაკეთება შემიძლია.

უნდა გითხრათ, რომ მომდევნო წელს უფრო მეტი გოლი და საგოლე გადაცემა მექნება აქტივში".

წყარო: M.E.N.