ინგლისური გრანდის, "მანჩესტერ იუნაიტედის" განაპირა მცველი ლუკ შოუ ლონდონური "ტოტენჰემის" სამიზნედ იქცა.
ამ სეზონიდან გამომდინარე ჩანს, რომ ჟოზე მოურინიო ახალგაზრდა მცველს ნდობას არ უცხადებს. მას შემდეგ, რაც ლუკ შოუმ ჰოლანდიურ პსვ-სთან მიღებული ტრავმა მოიშუშა, მისი კარიერა საგრძნობლად შეიცვალა. აშკარაა, რომ ინგლისელი მცველი ცუდ ფორმაშია და კვლავაც ვერ ახერხებს ძველი ფორმის დაბრუნებას.
ამასთან ერთად "მანჩესტერ სიტი" დაინტერესებულია "ტოტენჰემის" მცველით, დენი როუზით. თუკი დენი როუზი "ქალაქელებს" შეუერთდება, ლუკ შოუს "ტოტენჰემში" გადასვლა უფრო რეალური გახდება. თანაც, არ დაგვავიწყდეს ის, რომ "ტოტენჰემის" ამჟამანდელ მწვრთნელს, მაურისიო პოჩეტინოს ლუკ შოუსთან კარგი ურთიერთობა აქვს, ვინაიდან პოჩეტინოც და ლუკ შოუც გარკვეული დროის მანძილზე ერთად მუშაობდნენ "საუთჰემპტონში".
ლუკ შოუს ამჟამანდელი სატრანსფერო ფასი 20 მილიონ ევროს შეადგენს. "ტოტენჰემიც" დაახლოებით ამ თანხის შეთავაზებას აპირებს "იუნაიტედისთვის".