"მანჩესტერ იუნაიტედმა" 4 აპრილს "ევერტონთან" მატჩი გამართა, რომელიც ფრედ, 1-1 დასრულდა.

ამ ფრეს ორი სახე აქვს. პირველი არის ის, რომ გუნდი უკვე პრემიერ ლიგაში ზედიზედ 20 თამაშია არ აგებს შეხვედრას. თუმცა მეორე მხარე ის არის, რომ ჩატარებული 20 შეხვედრიდან, "იუნაიტედმა" მხოლოდ 10 შემთხვევაში მოახერხა 3 ქულის აღება, დანარჩენ 10 შეხვედრაში კი 1 ქულას დასჯერდა.

ამასთან დაკავშირებით ბრიტანულმა საიტმა skysports.com-მა სტატისტიკა გამოაქვეყნა, სახელწოდებით "ყველაზე ხანგრძლივი წაუგებელი სერიები". ყველაზე ხანგრძლივი წაუგებელი სერია "არსენალს" აქვს, მათ 36 შეხვედრა მოიგეს, 13 კი ფრედ დაასრულეს, რაც ჯამში 49 წაუგებელი შეხვედრაა. საუკეთესო შედეგი პროცენტულობით, ანუ ის გუნდი. რომელსაც ყველაზე ხანგრძლივი წაუგებელი სერია ჰქონდა და ამავდროულად მატჩების უმრავლესობას იგებდა, "მანჩესტერ იუნაიტედის" 21-წლამდელთა გუნდია, რომლებმაც 21 თამაშიდან 18 მოიგეს, 3 კი ფრედ დაასრულეს (85.7%).

"იუნაიტედს" საკმაოდ საინტერესო სტატისტიკა გამოუვიდა. იგი პირველ ადგილსაც იკავებს და ამავდროულად ბოლო ადგილიც მას ეკუთვნის. 16 ოქტომბრიდან დღემდე, "იუნაიტედმა" 20 შეხვედრა ჩაატარა, 10 მოიგო, 10 ფრედ ითამაშა. ეს იმას ნიშნავს რომ გუნდმა თავის ბოლო 20 შეხვედრაში, მატჩების მხოლოდ 50% მოიგო. რაც ყველაზე ცუდი შედეგია პრემიერ ლიგის ისტორიაში.



წყარო: SkySports