მართალია "მანჩესტერ იუნაიტედმა" მხოლოდ ერთი ქულა აიღო მორიგ საშინაო მატჩში, მაგრამ მაიკლ კერიკი ფიქრობს, რომ "წითლებმა" ოთხეულში მოხვედრის იმედი არ უნდა დაკარგონ.

მიუხედავად იმისა, რომ ევროპა ლიგა შესაძლოა უმთავრეს სამიზნედ ითვლება, ნახევარმცველის აზრით, შიდა ჩემპიონატში ჯერ კიდევ შეიძლება მდგომარეობის გამოსწორება - იმის ფონზეც კი, რომ გუნდმა ზედიზედ ორი ფრე ითამაშა.

ზლატან იბრაჰიმოვიჩის მიერ შეხვედრის ბოლო წუთებზე გატანილმა პენალტმა "იუნაიტედს" ოთხქულიანი ჩამორჩენა დაუტოვა "მანჩესტერ სიტისთან" და ხუთქულიანი ჩამორჩენა "ლივერპულთან", რომელთან შედარებითაც ერთი თამაშით ნაკლები აქვს ჩატარებული. ორივე გუნდი - "სიტი" და "ლივერპული" - თავიანთ მატჩებს დღეს ჩაატარებენ "ჩელსისა" და "ბორნმუთის" წინააღმდეგ შესაბამისად.

"მე დაკარგულ ორ ქულად მივიჩნევ. ადვილი არ არის, როცა საქმე ცუდად მიგდის, განსაკუთრებით შაბათის შემდეგ, მაგრამ ბიჭები კვლავ ცდილობენ.

არ ნებდებოდნენ, არ ნებდებოდნენ და ბოლოს ერთი ქულის მომტანი გოლი გავიტანეთ. ეს მხოლოდ ერთი ქულაა, მაგრამ არასაკმარისი", - განაცხადა კერიკმა.

"ევერტონი" შეხვედრის უკანასკნელ წუთამდე იცავდა თავს და ინარჩუნებდა ფილ ჯაგიელკას მიერ გატანილი გოლით მოპოვებულ უპირატესობას, მაგრამ ბოლოს მაინც გაუშვა გოლი.

"უბრალოდ ვერ ვახერხებთ პირველი გოლის გატანას და გუნდების გატეხვას, რომ საქმე გავიადვილოთ. ეს ნამდვილად ის არის, რასაც დაეძებ და გაუმჯობესება გსურს, ადვილი არ არის მხოლოდ მცდელობა და ამაზე გადართვა. დარწმუნებული ვარ, ამას შევძლებთ, გავუმჯობესდებით.

ძირითადად სახლში კარგად ვთამაშობთ. ამჯერად კი ასეთი კარგი არ იყო, მაგრამ ბიჭებმა ხასიათი გამოავლინეს და მცდელობა არ შეუწყვეტიათ. დასასრულს გოლი გავიტანეთ, დიახ, მაგრამ საკმარისი არ არის."

ამჟამად "იუნაიტედი" მეხუთე ადგილზე იმყოფება, მაგრამ "ვესტ ჰემის" დამარცხების შემთხვევაში "არსენალი" დაიკავებს ამ პოზიციას და ახლა ყურადღება ძალზედ საჭირო გამარჯვებაზე უნდა გადაიტანოს გუნდმა.

"ხანდახან არასდროს ნებდები, მაგრამ შედეგი მაინც სასაცილოა. ჩვენს თავს რთული დავალება მივეცით, მაგრამ დანებებას არ ვაპირებთ".

წყარო: manutd.com