"მანჩესტერ იუნაიტედის" თავდამსხმელმა ზლატან იბრაჰიმოვიჩმა განაცხადა, რომ ჯერ კიდევ ბურუსითაა მისი მომავალი მოცული და შემდეგ სეზონში სად იასპარეზებს დანამდვილებით არ იცის.

გუშინ ღამით, შვედმა ფორვარდმა კიდევ ერთხელ დაამტკიცა თავისი მნიშვნელობა გუნდისთვის, როდესაც მან ბოლო წამებზე მატჩი გადაარჩინა და საბოლოო ანგარიში 1-1 დააფიქსირა. შეგახსენებთ, რომ გუშინ "იუნაიტედმა" "ევერტონს" უმასპინძლა. აქვე იმასაც გეტყვით, რომ ეს გოლი ზლატანისთვის 27 გამოდგა "წითელი ეშმაკების" მაისურით.

მაგრამ, ამის მიუხედავად ფეხბურთელის მომავალი "იუნაიტედში" ბურუსითაა მოცული, რადგან მას ჯერ კიდევ არ მოუწერია ხელი ახალ კონტრაქტზე, როს მიხედვითაც ის კლუბში კიდევ ერთ წელს გაატარებს.

"აქ 35 წლის ასაკში მოვედი. ყველას ეგონა, რომ უკვე ინვალიდის სავარძელში ვიჯექი. და რა მოხდა? ლომი ისევ ცოცხალია. მე დავამტკიცე, რომ ყველა კრიტიკოსი ცდებოდა, როდესაც ფიქრობდნენ, ამას ვერ შევძლებდი. ბევრი კრიტიკოს, ჩემს გულშემატკივრად იქცა."

"მე 35 წლის ვარ და რამდენიმე თვეში 36ის გავხდები, მაგრამ დავამტკიცე, რომ ასაკი მხოლოდ ციფრებია. წინსვლას განვაგრძობ. მაგრამ, არ ვიცი, იგივეს თუ ვიგრძნობ შემდეგი სეზონისთვისაც და მზად ვიქნები თუ არა ამისთვის."

"მნიშვნელოვანია თუ არა ჩემთვის საუკეთესო ოთხეულში შესვლა? ბოლოს აღარც მახსოვს როდის გავედი მეორე ადგილზე, მგონი ეს "მილანში" იყო. ამის ქვემოთ არასდროს ვყოფილვარ კარიერის მანძილზე. ეს ჩავარდნაა და არ მომწონს. ნებისმიერი ადგილი - პირველი ადგილის გარდა, ჩავარდნაა. მაგრამ, ჩვენ კიდევ ვიბრძვით სხვა ტიტულისთვის. ყველა შესაძლებლობას ვეჭიდებით და ვიბრძვით."

"ჩემს მომავალთან დაკავშირებით, რომ რამის თქმა მინდოდეს, უკვე ვიტყოდი. მოლაპარაკებებს ვაწარმოებთ. იმის შესახებ ინფორმაცია არ მაქვს, რამდენად ახლოს ვართ კონტრაქტის გაფორმებსათან ან კიდევ რამდენად შორს. ვნახოთ, როგორ განვითარდება მოვლენები. ყველაფერი შეიძლება მოხდეს." - აცხადებს შვედი ფორვარდი MUTV-თან.

აქვე იმასაც შეგახსენებთ, რომ ჭორები გავრცელდა, თითქოს ზლატანმა უკვე შეათანხმა კონტრაქტი MLS-ის კლუბ "ლა გალაქსისთან". თუმცა ESPN-თვის ცნობილი გახდა, რომ ჯერ იბრას არაფრისთვის მოუწერია ხელი და შანსები ამერიკაში გადასვლაზე 50-50ზეა.

წყარო:fapl.ru