შესაძლოა, "იუანიტედში" ახალი მეკარე ვიხილოთ.
მადრიდის "ატლეტიკოს" მთავარი მეკარე, იან ობლაკი მზადაა "მანჩესტერ იუნიატედის" ესპანელი მეკარე, დავიდ დე ხეა შეცვალოს იმ შემთხვევაში, თუ "წითელი ეშმაკები" მის გაყიდვას მოისურვებენ.
ორშაბათს ცნობილმა გამოცემა Sky Sports-მა გვამცნო, რომ "რეალმა" დე ხეას კიდევ ერთხელ შესთავაზა კონტრაქტი. შეგახსენებთ, რომ ესპანელი მეკარე 2015 წლის ზაფხულში, თითქმის გადასული იყო სამეფო კლუბში.
საშიშროება იმისა, რომ კლუბმა დავიდი დაკარგოს, ნამდვილად არსებობს, ამიტომ "წითელი ეშკამების" სკაუტები ყურადღებით ადევნებენ თვალს სხვადასხვა მეკარეებს, ამიტომ მათი თვალთახედვის არეში ობლაკიც მოექცა.
როგორც ცნობილი გახდა, "ატლეტიკოს" მეკარეს "იუნაიტედში" გადაბარგება სურს, მაგრამ იმ პირობით, რომ ის ნომერ პირველი იქნება კლუბში. თუ ჟოზე მოურინიო ნამდვილად გადაწყვეტს ობლაკის შეძენას, მას ეს საკმაოდ ძვირი, 33 მილიონი ფუნტ სტერლინგი დაუჯდება.
"ვფიქრობ, ნებისმიერი მოთამაშისთვის დიდი პატივი იქნებოდა ინგლისში გამგზავრება და ისეთი დიდი კლუბის მაისურის მორგება, როგორიც "მანჩესტერ იუნაიტედია". დღესდღეობით მსოფლიოს გრანდებს სურთ საუკეთესო მეკარეების შეძენა და ობლაკიც სწორედ მათ რიცხვს მიეკუთვნება. ინგლისიდან მის მიმართ სამი კლუბი იჩენს ინტერესს, ამიტომ თუ დავიდ დე ხეა "იუნაიტედს" დატოვებს, ყველაფერი შეიძლება მოხდეს." - ციტირებს გამოცემის წყარო.
ასევე აღსანიშნავია ის ფაქტიც, რომ "იუნაიტედს" ობლაკის ორ თანაგუნდელსაც უკავშირებენ: მცველ ხოსე ხიმენესს და თავდამსხმელ ანტუან გრიზმას.
წყარო:
fapl.ru