როგორც ცნობილი გამოცემა Football Italia იტყობინება, "მანჩესტერ იუნაიტედი" შეტევის ხაზის გაძლიერებას დრის მერტენსის დამატების წყალობით ეცდება.
წყაროს ცნობით, მანჩესტერელთა ხელმძღვანელობა ბელგიელის ტრანსფერის თაობაზე მოლაპარაკებების დაწყებას გეგმავს
"წითელი ეშმაკები" მზად არიან მერტენსს წელიწადში 4.7 მილიონი ევრო გადაუხადონ. გარდა ამისა, ეს თანხა შეიძლება სხვადასხვა ბონუსმაც გაზარდოს.
მერტენსს "ნაპოლისთან" მოქმედი კონტრაქტი 2018 წლამდე აქვს. ბელგიელმა მიმდინარე სეზონში სერია ა-ს ეგიდით ჩატარებულ შეხვედრებში 26 მატჩში 20 გოლის გატანა მოახერხა.