"მანჩესტერ იუნაიტედი" მზადაა ორ ტრანსფერში სარეკორდო თანხები გადაიხად. "იუნაიტედი", როგორც უკვე მოსალოდნელია, 85 მილიონი ფუნტის შეთავაზებას აპირებს "ატლეტიკოს" გრიზმანის სანაცვლოდ. ამასთან, "წითელმა ეშმაკებმა", შესაძლოა, ახალგაზრდა მეკარის სანაცვლოდაც გაიღონ დიდი თანხა.

გავრცელებული ინფორმაციის თანახმად, "სიტისთან" და "ჩელსისთან" ერთად, "იუნაიტედიც" ჩაერთო "მილანის" 18 წლის მეკარისთვის ბრძოლაში. ჯანლუიჯი დონარუმა სერია ა-ში მუდმივად ძირითად შემადგენლობაში თამაშობს და მისმა ნიჭმა მსოფლიო სატრანსფერო მარკეტზე დიდი ყურადღება მიიქცია. დევიდ დე ხეას მომავალი კვლავ გაურკვეველია, ამიტომ "იუნაიტედი" მზადაა მის სანაცვლოდ 50 მილიონი ფუნტი გადაიხადოს. საინტერესოა, რომ დონარუმის აგენტი რაიოლაა, რომლის კლიენტებიც ასევე არიან პოლ პოგბა და ზლატან იბრაჰიმოვიჩი.

ჭორების თანახმად, დე ხეას "რეალში" ტრანსფერი უკვე შეთანხმებულია 66 მილიონ ფუნტად, დონარუმი კი "მილანში" კვირაში 160 ათას ფუნტს ითხოვს, რაც "იუნაიტედისთვის" წარმოუდგენელი თანხა არ არის.

წყარო: Manchester Evening News