ესპანურ პრესაში გავრცელდა ინფორმაცია, რომ "მანჩესტერ იუნაიტედი" მზად იყო "ბარსელონას" ბრაზილიელი ვარსკვლავის, ნეიმარის შესაძენად სატრანსფერო რეკორდი დაემხო და ფეხბურთელში 176 მილიონი ფუნტი გადაეხადა.
"წითელი ეშმაკების" მთავარი მწვრთნელი გავრცელებულ ჭორებს გამოეხმაურა და განაცხადა, რომ ნეიმარის მანჩესტერულ კლუბში ტრანსფერი აბსურდია და პრესაში გავრცელებული ინფორმაცია სიმართლეს არ შეესაბამება.
"ვცდილობ, ტრანსფერებთან მიმართებაში ობიექტური და პრაგმატული ვიყო. კლუბებთან მოლაპარაკებებს მხოლოდ იმ შეთხვევაში ვაწარმოებ, თუ წარმატების მიღწევის მჯერა.
ნეიმარის ტრანსფერის შესახებ გავრცელებული ჭორები აბსურდია. ისეთი კლუბი, როგორიც "ბარსელონაა" ნეიმარის მსგავს ფეხბურთელებს არ დაკარგავს. ვფიქრობ, მისი ტრანსფერის განხორციელება შეუძლებელია" - ციტირებს პორტუგალიელის სიტყვებს ESPN-ი.