"მანჩესტერ იუნაიტედის" ყოფილმა ფეხბურთელმა, მაიკლ კინმა, რომელიც ამჟამად "ბარნლის" ღირსებას იცავს, რამდენიმე კლუბის ყურადღება უკვე მიიქცია.

ინგლისელი "ბარნლის" 2015 წლის ზამთრის სატრანსფერო ფანჯარაზე "იუნაიტედიდან" 2.5 მიილიონ ევროდ შეუერთდა. როგორც Daily Mail-ი იუწყება, კონტრაქტში შეტანილი პუნქტის თანახმად, იმ შემთხვევაში თუ კინი გუნდს დატოვებს, "მანჩესტერ იუნაიტედი" მასში გადახდილი თანხის 25%-ს მიიღებს.

კინის დებიუტი ინგლისის ეროვნულ ნაკრებში გერმანიასთან გამართულ ამხანაგურ შეხვედრაში შედგა. როგორც ცნობილია, მისით "ლივერპული", "ევერტონი", "მანჩესტერ სიტი" და "ჩელსი" არიან დაინტერესებულნი. "ბარნლი" კი 25 წლის მცველის სანაცვლოდ მინიმუმ 20 მილიონ ევროს ითხოვს.

მაიკლ კინმა მიმდინარე სეზონში 33 შეხვედრა ჩაატარა და 2 გოლის გატანა მოახერხა. მისი მოქმედი კონტრაქტი "ბარნლისთან" 2018 წელს იწურება.

მომზადებულია Mirror-ის მიხედვით.