როგორც გავლელიანი გამოცემები იუწყებიან, "მანჩესტერ იუნაიტედის" გერმანელი ნახევარმცველი, კარიერას MLS-ში, კერძოდ "ჩიკაგო ფაირში" გააგრძელებს.

32 წლის ნახევარმცველმა კლუბთან კონტრაქტი უკვე გააფორმა, რის შედეგადაც გერმანელი წელიწადში 4,5 მილიონი დოლარს გამოიმუშავებს. როგორც ცნობილია, ბასტიანი ახალ კლუბს მომავალ კვირას შეუერთდება.

შვაინშტაიგერი "მანჩესტერ იუნაიტედს" "ბაიერნიდან" 2015 წლის ზაფხულში შეუერთდა. მას შემდეგ გერმანელმა ნახევარმცველმა კლუბის მაისურით 32 მატჩი ჩაატარა და 2 გოლის გატანა მოახერხა.

მიმდინარე სეზონში 32 წლის ფეხბურთელმა მხოლოდ 4 შეხვედრაში მიიღო მონაწილეობა და მოედანზე მხოლოდ 134 წუთი დაჰყო.