"მანჩესტერ იუნაიტედის" მწვრთნელი, ჟოზე მოურინიო მიიჩნევს, რომ მარკუს რეშფორდი გოლების გატანას მალე დაიწტყებსა.
ინგლისელი თავდამსხმელი "იუნაიტედის" შეტევებს უძღოდა "მიდლსბროსთან" მატჩში და მასპინძლებს ბევრ პრობლემას უქმნიდა თავისი სისწრაფისა და მოძრაობის ხარჯზე. თუმცა, მას პირველ ტაიმში ორჯერ აჯობა მეკარე ვიქტორ ვალდესმა.
მიუხედავად უგოლო მატჩისა, თინეიჯერმა ფეხბურთელმა მწვრთნელისგან ქება დაიმსახურა.
"მარკუსი ზლატანისგან სრულიად განსხვავებული ფეხბურთელია. მის თამაშსა და უნარებთან შეგუება მოგვიწევს. რეშფორდს გოლის გატანა უჭირს, მართლაც რთულია მისთვის, მაგრამ ტოპ-კლასის მოძრაობები აქვს.
მისი სათამაშო დინამიკა არავის აქვს. ძალიან ჭკვიანი და მწვავეა. პირველი შეხებით ბურთის საუკეთესო პოზიციაში გადატანა და შეტევაში წასვლა შეუძლია. ჩემი აზრით, მან ფენომენალურად ითამაშა.
გოლებს გაიტანს, პრობლემა არ არის, მაგრამ, რა თქმა უნდა, ჩვენ არ გვყავს ზლატანი, არ გვყავს პოლ პოგბა და არ გვყავდა ჰენრიხ მხითარიანი. ამ ხალხს ბურთი სურს, მათ თამაშის კონტროლი უყვართ. ასე რომ, განსხვავებულად ვთამაშობდით და მეტოქეს უფრო მეტად დავუთმეთ ბურთი, ჩვენი ხაზი ოდნავ უკან დავწიეთ და გაჩენილ სივრცეებში შევუტიეთ", - განაცხადა პორტუგალიელმა.