"მანჩესტერ იუნაიტედის" მთავარი მწვრთნელის ჟოზე მოურინიოს განცხადებით, მისი გუნდისთვის პრემიერ ლიგაზე პრიორიტეტული უეფას ევროპის ლიგაზე გამარჯვებაა. შეგახსენებთ, რომ ამ ტურნირზე "იუნაიტედი" მეოთხედფინალურ სტადიაზეა გასული.
"პრემიერ ლიგაში საქმე ცუდად არ მიგვდის, ყველაფერი ისე აეწყო, რომ ოთხეულში შესვლის შანსი ნამდვილად გვაქვს, თუმცა ჩემთვის პრიორიტეტული მაინც ევროპის ლიგაზე გამარჯვებაა, რადგან ტიტულთან ერთად ჩემპიონთა ლიგის საგზურსაც გავინაღდებთ. მიუხედვად ამისა, ამ ტურნირზე გარანტირებული არაფერი გვაქვს და ყველანაირად უნდა ვეცადოთ პრემიერლიგის მოწინავე ოთხეულში შესვლას". - განაცხადა მოურინიომ.
ჟოზე მოურინიომ "მანჩესტერ იუნაიტედი" სეზონის დასაწყისში ჩაიბარა. გუნდთან ერთად მან ინგლისის სუპერთასი და ლიგის თასი უკვე მოიგო. მიუხედავად ამისა, პრემიერ ლიგაში მოწინავე ადგილებზე დამკვიდრებას ვერ ახერხებს.