დღეს პრემიერ ლიგის 29-ე ტურის შეხვედრაში "მიდლსბრომ" "მანჩესტერ იუნაიტედს" უმასპინძლა. მოურინიოს გუნდმა მეტოქე 1-3 დაამარცხა და როგორც იქნა პრემიერ ლიგის ცხრილში ერთი საფეხურით წინ წაიწია.

დღევანდელი გამარჯვება "იუნაიტედისთვის" საიუბილეო მე-600 გამოდგა პრემიერ ლიგის ეგიდით ჩატარებულ შეხვედრებში. 600 გამარჯვებაში თავისი წვლილი კლუბის ხუთმა მწვრთნელმა: სერ ალექს ფერგიუსონმა, დევიდ მოიესმა, რაიან გიგზმა, ლუი ვან გაალმა და ჟოზე მოურინიომ შეიტანეს. სიას რაღა თქმა უნდა, ლეგენდარული შოტლანდიელი ლიდერობს, 528 გამარჯვებით, მომდევნო ლუი ვან გაალია, რომლის ანგარიშზეც 39 გამარჯვებაა, დევიდ მოიესმა "იუნაიტედს" 17-ჯერ მოაგებინა, მოურინიოს ანგარიშზე ჯერ-ჯერობით 14 გამარჯვებაა, ხოლო დარჩენილი 2 რაიან გიგზს ეკუთვნის.

"იუნაიტედი" პირველი გუნდია, რომელმაც მსგავს შედეგს მიიაღწია. კლუბი 83 გამარჯვებით უსწრებს მეორეადგილოსან "არსენალს".