ჟოზე მოურინიო აცხადებს, რომ ჩემპიონთა ლიგიდან "მანჩესტერ სიტის" გავარდნით იმედგაცრულებულია.
პეპ გვარდიოლას "სიტი" ოთხშაბათს 1/8 ფინალურ ეტაპზე "მონაკოსთან" ორმატჩიან დუელში დამარცხდა და ტურნირს გამოეთიშა.
პრემიერ ლიგის ტოპ-ექვსი გუნდიდან მხოლოდ "იუნაიტედი" ასპარეზობს ევროტურნირზე, მაგრამ ეს მოურინიოს სულაც არ ახარებს, რადგან ოთხეულში შესვლას ურთულებს. "ძალიან იმედგაცრუებული ვარ, რომ "სიტი" გავარდა. არ ვხუმრობ. ჩვენთვის ცუდია ბევრი მიზეზის გამო. ცუდია ჩვენთვის, როგორც ინგლისური კლუბისთვის, რადგან ჩვენ წინ მყოფ გუნდებს საერთაშორისო მატჩები არ აქვთ.
კვირაში ერთ მატჩს ჩაატარებენ, როგორც ზოგიერთი მათგანი ატარებდა სეზონის დასაწყისში.
მათ არ იციან, გამოფიტვა და გადაღლა რა არის, მათ არ იციან, როგორია სახლში წასვლა და უძილობა გამოფიტვის გამო.
ბოლომდე ვიბრძოლებთ - ეს არის, რაც შეგვიძლია", - განაცხადა მოურინიომ.