ჟოზე მოურინიომ განაცხადა, რომ "მანჩესტერ იუნაიტედში" უფრო ადრე მისვლის შემთხვევაში არასდროს გაყიდდა ანხელ დი მარიას, ხავიერ ერნანდესსა და დენი უელბეკს.
დი მარია "ოლდ ტრაფორდზე" 2014 წელს გადავიდა, მაგრამ დაუყოვნებლივი წარმატებული ასპარეზობის მიუხედავად, ლუი ვან გაალის გუნდში თავის დამკვიდრება ვერ მოახერხა.
ერთი წლის შემდეგ იგი "პარი სენ-ჟერმენში" გადაბარგდა, სადაც პირველივე სეზონში ლიგა 1 მოიგო.
მოურინიომ ჰოლანდიელი სპეციალისტის ამ გადაწყვეტილებას არ იწონებს.
"აქ პირველად რომ მოვედი, მოწყენილი კლუბი დამხვდა. "მანჩესტერ იუნაიტედმა" ისეთი ფეხბურთელები გაყიდა, რომელთაც მე არასდროს გავყიდდი და ისეთი ფეხბურთელები იყიდა, რომელთაც მე არასდროს ვიყიდდი.
არასდროს გავყიდდი დი მარიას, ჩიჩარიტოსა და დენი უელბეკს. არასოდეს, შანსი არ არის", - განაცხადა ჟოზემ.