"მანჩესტერ იუნაიტედსა" და "როსტოვს" შორის ევროპა ლიგის ეგიდით გამართულ მატჩში იშვიათი შემთხვევა დაფიქსირდა, რომლის მთავარი გმირი "წითლების" მცველი მარკოს როხო გახლდათ.
არგენტინელ მცველს შეხვედრის 73-ე წუთზე ეშლი იანგმა ბანანი მიაწოდა, რომელიც როხომ მოედანზე ძალების მოსაკრებად შეჭამა.
მედია სივრცეში მაშინვე გავრცელდა ფაქტის აღმნიშვნელი კადრები და ბუნებრივია, რომ იგი არც ჟურნალისტებს დარჩენიათ ყურადღების მიღმა.
გუნდის მთავარმა მწვრთნელმა, ჟოზე მოურინიომ ამ ფაქტის შესახებ დასმულ შეკითხვას შემდეგნაირად უპასუხა: "არ ვიცი, ოდესმე დაღლილხართ თუ არა თქვენს ცხოვრებაში. მე კი ბერჯერ დავღლილვარ და ვიცი, რა არის ადამიანის შესაძლებლობათა ლიმიტი, ფეხბურთელმა ბანანი მთხოვა და ეს მხოლოდ ბანანია. ამაში სასაცილოს ვერაფერს ვხედავ. პატივი უნდა სცეთ იმას, რომ მოედანზე ყველაფერს გასცემენ ლიმიტის ამოწურვამდე".