"მანჩესტერ იუნაიტედის" თავდამსხმელი, ზლატან იბრაჰიმოვიჩი აღნიშნავს, რომ მომდევნო სეზონში "ნაპოლიში" თამაშისთვის მზად არის.

იბრაჰიმოვიჩი "იუნაიტედს" 2016/17 წლების სეზონის დასაწყისში "პარი სენ-ჟერმენიდან" შეუერთდა და მან უკვე მოახერხა 26 გოლის გატანა.

მისი მოქმედი კონტრაქტის ვადა სეზონის ბოლოს იწურება, თუმცა "იუნაიტედს" შეთანხმების ერთი წლით გახანგრძლივების პერსპექტივა აქვს.

ჯერჯერობით ფეხბურთელსა და კლუბს შორის არ მიღწეულა სათანადო შეთანხმება, რომლითაც აღნიშნული პუნქტი ამოქმედდება, იბრაჰიმოვიჩი კი არ გამორიცხავს მის აუმოქმედებლობას.

"ნაპოლიში" გადასვლა? წინასწარ ვერ იტყვით. "იუნაიტედში" თავს კარგად ვგრძნობ, მაგრამ ვნახოთ, რა მოხდება", - განაცხადა შვედმა.

წყარო: goal.com