"მანჩესტერ იუნაიტედის" ყოფილ კაპიტანს, გარი ნევილს მიაჩნია, რომ "მანჩესტერ იუნაიტედს" ინგლისის თასის შეწირვა ჩემპიონთა ლიგაზე მოსახვედრად შეუძლია.
გასულ სეზონში თასის მოგების შემდეგ მის დაცვას კლუბი "ჩელსისთან" მეოთხედფინალურ ეტაპზე ასპარეზობით განაახლებს. მაგრამ "იუნაიტედს" გადატვირთული სათამაშო გრაფიკი აქვთ.
"როსტოვში" შორეული გზის გადაფრენის შემდეგ "წითლები" "ოლდ ტრაფორდზე" უმასპინძლებენ რუსულ გუნდს "ჩელსისთან" მატჩიდან სამი დღის შემდეგ, კვირას კი "მიდლსბროს" ეწვევიან პრემიერ ლიგის ეგიდით.
შიდა ჩემპიონატის საუკეთესო ოთხეულში შესვლაში წარუმატებლობის განცდის შემთხვევაში "იუნაიტედს" დამატებითი შესაძლებლობა ეძლევა ჩემპიონთა ლიგაზე მოსახვედრად - ევროპა ლიგაზე გამარჯვება გუნდს ევროპის ყველაზე პრესტიჟული ტურნირის პირდაპირ საგზურს მისცემს.
გარი ნევილი კი ფიქრობს, რომ გუნდმა სწორედ ამაზე უნდა იზრუნოს: "მოურინიოს პრიორიტეტზეა დამოკიდებული. ინგლისის თასი არის ტურნირი, რომლის შეწირვაც "იუნაიტედს" შეუძლია, რადგან ჩემპიონთა ლიგაზე მოხვედრას უნდა ეცადოს.
მხოლოდ ორი გზა არსებობს ამისთვის - პრემიერ ლიგა და ევროპა ლიგა.
ორშაბათს დიდი მენტალური გამოწვევა ექნებათ. მათ შეუძლიათ დათმონ ეს მატჩი, რათა კალენდარში გადაჭარბებულობა აღარ იყოს".