ანტონიო კონტეს მიაჩნია, რომ "მანჩესტერ იუნაიტედსა" და "მანჩესტერ სიტის" პრემიერ ლიგაში ყველაზე ძლიერი შემადგენლობა ჰყავთ, მიუხედავად იმისა, რომ მისი გუნდი 10-ქულიანი უპირატესობით ლიდერობს ცხრილში.

"ჩელსი" ინგლისის თასის მეოთხედფინალურ ეტაპზე ორშაბათს სახლში "იუნაიტედს" მიიღებს და კონტე რთულ თამაშს ელის, მიუხედავად იმისა, რომ მიმდინარე სეზონში გამართულ მატჩში იტალიელის გუნდმა უკვე იმარჯვა 4-0.

თავის მხრივ ჟოზე მოურინიოს გუნდის საუკეთესო ოთხეულში შესვლას ვერ ახერხებს, მაგრამ კონტე ამის საფუძველზე არ აპირებს "წითლების" ჩამოწერას.

"ვფიქრობ, "მანჩესტერ იუნაიტედს" და "მანჩესტერ სიტის" ჩემპიონატში ყველაზე ძლიერი შემადგენლობა ჰყავთ. მათ ბევრი დიდი ფეხბურთელი და ნიჭიერი მოთამაშეები ჰყავთ, რომელთაც გამარჯვების გამოცდილება აქვთ.

ნამდვილად რთული მატჩი იქნება ჩვენთვისაც და მათთვისაც. ვფიქრობ, ახლა ჩვენთვის უკეთესია. კარგი გუნდი გვყავს, კარგ ფეხბურთს ვთამაშობთ და კარგ ფორმაში ვართ. მაგრამ ნამდვილად რთული თამაში გვექნება, ჩვენ ხომ კარგ, ძალიან ძლიერი გუნდს ვხვდებით", - განაცხადა იტალიელმა.

წყარო: goal.com