შთამბეჭდავი გოლების გატანის უნარის მქონე ჰენრიხ მხითარიანმა "მანჩესტერ იუნაიტედის" თვის საუკეთესო გოლების ჯილდო მესამედ მოიგო.

სომეხმა ფეხბურთელმა ამჯერად თებერვალში "ლესტერ სიტის" კარში გატანილით გოლით დაიმსახურა აღნიშნული ჯილდო, ვინაიდან "იუნაიტედის" ოფიციალურ საიტზე ჩატარებულ გამოკითხვაში ყველა სხვა კანდიდატს აჯობა.

მხითარიანის სოლო რეიდმა და "მელიების" კარის აღებამ ხმების 41 პროცენტი მიიღო და მხოლოდ 2%-ით აჯობა ლიგის თასის ფინალში ზლატან იბრაჰიმოვიჩს საჯარიმო დარტყმიდან გატანილ გოლს. ამავე მატჩში შვედის მიერ გატანილი თავური გოლი გულშემატკივართა მესამე ფავორიტი გამოდგა, მაგრამ მას მხოლო 9% ერგო.

ჰენრიხმა წინა ორი ჯილდო იანვარსა და დეკემბერში მოიგო "უიგანის" კარში კონტრშეტევის შემდეგ და "სანდერლენდის" კარში გატანილი "სკორპიონ" დარტყმის შედეგად, შესაბამისად.