"მანჩესტერ იუნაიტედის" ნახევარმცველმა ჰენრიხ მხითარიანმა პატივისცემა გამოხატა სომეხი გულშემატკივრების მიერ, რომლებიც "ოლიმ-2" სტადიონზე მის საქომაგოდ ჩავიდნენ და "როსტოვთან" მატჩში გატანილი გოლი მათ მიუძღვნა.

"სენტ-ეტიენთან" ევროპა ლიგის 1/16 ფინალურ მატჩში მიღებული ტრავმის შემდეგ სომეხი ფეხბურთელი პირველად გამოჩნდა მოედანზე, რაც გოლით აღნიშნა.

ეს მესამე გოლი იყო ტურნირზე ჩატარებულ ზედიზედ სამ მატჩში და ჰენრიხს მიაჩნია, რომ ამ გოლით მისი გუნდი მნიშვნელოვან უპირატესობას მოიპოვებს.

"ბედნიერი ვარ დაბრუნებით და გოლის გატანით. მადლობას ვუხდი სომეხ გულშემატკივრებს აქ ჩამოსვლისა და მხარდაჭერისთვის და იმედი მაქვს, კარგი საჩუქარი გავუკეთე გოლის გატანით, რითაც ჩვენი თამაშისგან სიამოვნებას მიიღებდნენ. ვფიქრობ, კარგია, რომ გასვლაზე გავიტანეთ და მეორე მატჩსი კარგი შანსი დავიტოვეთ."

"იუნაიტედი" პირველ ტაიმში სიტუაციას აკონტროლებდა, მაგრამ მეორეში ნახევარში გოლი გაუშვა.

"გაგვიტანეს და ყველაფერი შეიცვალა. იმდენად კარგად ვითამაშეთ, რამდენადაც შეიძლებოდა ასეთ მოედანზე, მაგრამ ამის შესახებ ლაპარაკი არ მინდა, მოედანი ორივე გუნდისთვის საზიზღრობა იყო".

ევროპა ლიგის მიმდინარე გათამაშებაში "იუნაიტედმა" მხოლოდ ერთი გოლი გაუშვა - რობინ ვან პერსიმ "ფენერბაჰჩესთან" 4-1 დასრულებულ მატჩში გაიტანა - და მხითარიანს მეორე მატჩი პირველ გაცილებით მნიშვნელოვნად მიაჩნია.

წყარო: manutd.com