"როსტოვის" კარში გატანილი გოლის შემდეგ ჰენრიხ მხითარიანი "მანჩესტერ იუნაიტედის" პირველი ფეხბურთელი გახდა, რომელმაც ბოლო შვიდი წლის განმავლობაში ზედიზედ სამ ევროპულ მატჩში მოახერხა თავის გამოჩენა.

სომხეთის ნაკრების ფეხბურთელმა, რომელიც ევროპა ლიგის მატჩში დაბრუნდა მოშუშებული ტრავმის შემდეგ, რუსულ კლუბს შეხვედრის პირველ ტაიმში გაუტანა გოლი და თავისი გუნდი დააწინაურა.

ამ გოლის შემდეგ მხითარიანი უეინ რუნის გაუთანაბრდა და მის ანგარიშზე ამჟამად ზედიზედ სამ ევროპულ მატჩში გატანილი გოლია.

2010 წლის მარტში რუნიმ ასეთი შედეგი "მილანისა" და "ბაიერნის" წინააღმდეგ ჩემპიონთა ლიგის ეგიდით ჩატარებულ მატჩებში აჩვენა.

2009/10 წლების სეზონის ჩემპიონთა ლიგის 1/8 ფინალურ ეტაპზე რუნიმ "სან სიროზე" 3-2 მოგებულ მატჩში დუბლი შეასრულა, ერთ კვირაში კი იგივე გაიმეორა "ოლდ ტრაფორდზე" 4-0 მოგებულ საპასუხო შეხვედრაში.

ამის შემდეგ "იუნაიტედი" "ალიანს არენაზე" მიუნხენის "ბაიერნს" შეხვდა მატჩში, რომელიც 2-1 დათმო, მაგრამ უეინმა მაინც მოახერხა გოლის გატანა, თუმცა მისი გუნდი ორი მატჩის ჯამში დამარცხდა და ტურნირს გამოეთიშა.