ჟოზე მოურინიო აცხადებს, რომ "მანჩესტერ იუნაიტედის" ფეხბურთელები მზად იქნებიან "როსტოვის" სწრაფი და ხარისხიანი შეტევისთვის.

"წითლების" მწვრთნელი და მისი სამწვრთნელო შტაბი ევროპა ლიგაზე შემხვედრი მეტოქის ანალიზისას შესანიშნავად აცნობიერებდნენ რუსული გუნდის კონტრშეტევით უნარს.

"ძალიან რთული მატჩია. მაგრამ ეს პირველი მატჩია და მეორეს სახლში გავმართავთ. დარწმუნებული არ ვარ იმაში, რა მოხდება ან შევძლებთ თუ არა ჩვენთვის დამახასიათებელი ფეხბურთის თამაშს. შესაძლოა, სხვა სათამაშო გეგმასთან შეგუება მოგვიხდეს.

ისინი რვა ფეხბურთელით იცავენ თავს, რომელსაც ხუთეულის ხაზი და სამი ნახევარმცველი წარმოადგენს. ისინი ორი ფეხბურთელით მიდიან კონტრშეტევაზე და პლუს რამდენიმე მოთამაშის დახმარებით, მაგრამ დაცვითი თვალსაზრისით ძალიან სოლიდურები არიან. შეტევაში სისწრაფე და ხარისხი აქვთ.

ვფიქრობ, "როსტოვს" ოთხი შემტევი ფეხბურთელი ჰყავს, მათგან სამი კი განსაკუთრებით სახიფათოა. ამიტომაც არ ვიცი, ვის ათამაშებენ; შესაძლოა, პოლოზი დააყენოს, შესაძლოა დიდი ძლიერი ბიჭი ათამაშოს, რომელმაც ჩემ წინააღმდეგ უკვე ითამაშა, როცა ყაზანის "რუბინში" ასპარეზობდა [ალექსანდრ ბუხაროვი].

ვიცი, რომ სახიფათოები არიან. ვიცი, რომ მათი საჯარიმოს წინ იდგება ყველა და ასე დაიცავენ თავს, კონტრშეტევაში კი სახიფათოდ წავლენ. მათი თითოეული შემტევი ფეხბურთელი კარგი მოთამაშეა", - განაცხადა პორტუგალიელმა.

წყარო: manutd.com