ჟოზე მოურინიოს "მანჩესტერ იუნაიტედისა" და "როსტოვის" მატჩის გადადება სურს.

"იუნაიტედის" მწვრთნელს არ მოსწონს სტადიონ "ოლიმ-2"-ის საფარი, სადაც ხუთშაბათს ევროპა ლიგის 1/8 ფინალური ეტაპის მატჩი უნდა გაიმართოს.

ნებისმიერი აპელაცია UEFA-ს წარმომადგენლებმა ხუთშაბათს შუა დღემდე უნდა დააკმაყოფილონ, მაგრამ "იუნაიტედის" ოფიციალური წარმომადგენლები შიშობენ, რომ მათ საჩივარს არ დააკმაყოფილებენ და მატჩი მაინც შედგება.



"წითლების" რიგებში შიშობენ, რომ ასეთ (იხილეთ ფოტოსურათი) საფარზე თამაში სახიფათოა ფეხბურთელების ჯანმრთელობისთვის.

მოურინიომ თავისი სიბრაზე კიდევ უფრო ცხადად გამოხატა, როცა UEFA-ს ერთ-ერთმა წარმომადგენელმა განუცხადა, რომ "პრობლემა არ არსებობს", რადგან ტრავმის მიღების შემთხვევაში ფეხბურთელები დაზღვეულები არიან.

54 წლის სპეციალისტმა აღნიშნა, რომ საფარი - რომელიც ძალიან ცუდია და დიდი ნაწილი აქვს ბალახის გარეშე დატოვებული - მას სასტარტო შემადგენლობაში ცვლილებების შეტანას აიძულებს.

"იუნაიტედმა" ოთხშაბათს შუა დღეს ივარჯიშა სტადიონზე, მაგრამ მხოლოდ ცალ მხარეს და პრობლემური ადგილებიდან ძალიან შორის.

უფრო ადრე კი "როსტოვი" UEFA-ს მოთხოვნას დასთანხმდა და საფარის კიდევ უფრო დაზიანების თავიდან არიდების მიზნით ვარჯიში სხვაგან გამართა.

წყარო: M.E.N.