"მანჩესტერ იუნაიტედის" ფეხბურთელები გუშინ საღამოს ჩაფრიდნენ რუსეთში, სადაც ევროპა ლიგის 1/8 ფინალური ეტაპის პირველ მატჩს გამართავენ. მოურინიოს გუნდმა შეხვედრის წინ "როსტოვის" საშინაო სტადიონზე ვარჯიში გამართა.
ჟოზე მოურინიო უკმაყოფილებას გამოხატავს სტადიონზე არსებული პირობების გამო და აცხადებს, რომ ჯერ არ იცის, რა შემადგენლობას გაიყვანს.
გუნდთან ერთად არ არის კაპიტანი უეინ რუნი, მაგრამ ტრავმის მოშუშება მოახერხა ჰენრიხ მხითარიანმა. ერიკ ბაიი შეხვედრას წითელი ბარათის გამო მიღებული დისკვალიფიკაციის მიზეზით ტოვებს.