"მანჩესტერ იუნაიტედის" მთავარი მწვრთნელი, ჟოზე მოურინიო უკმაყოფილებას გამოხატავს "როსტოვის" საშინაო სტადიონზე არსებული პირობების გამო და აცხადებს, რომ ჯერ არ იცის, რა შემადგენლობას გაიყვანს.

"იუნაიტედის" ფეხბურთელები გუშინ საღამოს ჩაფრიდნენ რუსეთში, სადაც ევროპა ლიგის 1/8 ფინალური ეტაპის მატჩს გამართავენ. მწვრთნელმა პირადად გაადამოწმა მოედნის საფარი დღეს დილით, რის შემდეგაც მატჩის წინა პრესკონფერენცია გამართა, სადაც ფეხბურთელების უსაფრთხოებაზე ზრუნვიდან გამომდინარე განაცხადა, რომ ჯერ სასტარტო შემადგენლობა არ შეურჩევია.

"ჯერ კიდევ ვერ ვიჯერებ, რომ ხვალ უნდა ვითამაშოთ. ვიცი, რომ მოედანზე აუცილებლად უნდა გავიდეთ, მაგრამ არ მჯერა, რომ ამ მოედანზე უნდა ვითამაშოთ, თუკი შეიძლება ამას მოედანი უწოდო", - განაცხადა პორტუგალიელმა.



როცა ჰკითხეს, ჰენრიხ მხითარიანი იქნება თუ არა შემადგენლობაში, ჟოზემ უპასუხა: "არ ვიცი, რა გუნდი ითამაშებს, მართლა. არ ვიცი, რა გუნდს გავიყვან და არც ის ვიცი, მხითარიანი იქნება თუ არა. ბევრ რამეზე უნდა დავფიქრდე, რადგან უფრო სათამაშო პირობებს ველოდი.

ჯერჯერობით არავის დავკავშირებივარ ამაზე; მხოლოდ სწრაფი საუბარი მქონდა UEFA-ს წარმომადგენელ ჯენტლმენთან, როცა საფარს ვამოწმებდი. როცა ჩემი შენიშვნების შესახებ ვესაუბრე, ამ ჯენტლმენმა მითხრა, რომ თამაშები დაზღვეულია - რამე თუ მოხდება, პრობლემა არ არის."

თუმცა, მოურინიომ დაადასტურა, რომ ხვალ ზლატან იბრაჰიმოვიჩი ითამაშებს.




წყარო: manutd.com