1999 წელს სერ ალექს ფერგიუსონის მიერ მოგებული ტრებლი ნათლად ახსენებს ჟოზე მოურინიოს, თუ რამდენად რთული სამუშაო აქვს "მანჩესტერ იუნაიტედში".

"წითლების" მწვრთნელმა ექვსი ცვლილება განახორციელა "სენტ-ეტიენთან" საფრანგეთში ჩატარებული მატჩის შემდეგ "უემბლიზე" გაყვანილ შემადგენლობაში.

ფინალის გამარჯვებული გუნდის ოთხი წევრი კი წინა შაბათს "ბორნმუთთან" მატჩის სასტარტო შემადგენლობაში არ იყო.

ამას კი შედეგად ის მოჰყვა, რომ "იუნაიტედმა" მნიშვნელოვანი ორი ქულა დაკარგა ოთხეულისთვის ბრძოლაში.

მოურინიომ ახსნა, თუ რატომ გაიყვანა "ოლდ ტრაფორდზე" ედი ჰაუს გუნდის წინააღმდეგ როტირებული შემადგენლობა.

"ფინალის შემდეგ ფეხბურთელებს ვესაუბრე. ვფიქრობდი, რომ რეალობა იყო სამ ტურნირზე თამაში, ბევრი მატჩის ჩატარება, დასვენებული მეტოქეების წინააღმდეგ თამაში, რომელთაც მომზადებისთვის დრო აქვთ.

ახლა ყველაზე მეტად გვჭირდება შემადგენლობა, ამიტომაც როტაციის დროა, იმ ფეხბურთელების ჯერი მოვიდა, ვინც ბევრს ვერ თამაშობს, მაგრამ მზად არის როტაციის შესაძლებლობა მოგვცეს.

ეს იმისათვის გვჭირდება, რომ "როსტოვთან" მატჩში დასვენებულები ვიყოთ.

"საუთჰემპტონთან" მატჩში დასვენებულ გუნდსა და ბევრი მატჩის მქონე გუნდს შორის სხვაობა ვიგრძენით. ახლა ამას ყველა მატჩში შევიგრძნობთ", - განაცხადა მოურინიომ.

წყარო: M.E.N.