"მანჩესტერ იუნაიტედს" ევროპა ლიგის ეგიდით "როსტოვთან" გასამართ მატჩზე მხოლოდ 238 ბილეთი ერგო გულშემატკივრებისთვის, რაც ხაზს უსვამს რუსეთში გამგზავრების სირთულეს.

1/8 ფინალური ეტაპის მეტოქის ვინაობის გამოვლენიდან ორ კვირაზე ნაკლები გავიდა, რაც არასაკმარისი დრო იყო იმისათვის, რომ ბევრ გულშემატკივარს მოესწრო მგზავრობისთვის საჭირო პროცედურების გასავლელად. კონკრეტულად კი ეს რუსეთში მოგზაურობის ვიზას შეიცავს, რისი მიღებაც აღმოსავლეთ ევროპაში გასამართ პირველ მატჩამდე მინიმუმ ერთი კვირით ადრე უნდა მომხდარიყო.

238 გულშემატკივარი ყველაზე მცირე რაოდენობაა ევროპულ ტურნირებზე კლუბის მხარდასაჭერად გამგზავრებული გულშემატკივართა კონტინგენტისა. მაგალითად, ოდესაში "ზარია ლუგანსკის" წინააღმდეგ გამართულ მატჩზე "წითლებს" 900 ქომაგი ახლდა.

2015/16 წლების სეზონში ჩემპიონთა ლიგის ეგიდით მოსკოვის ცსკა-სთან გამართულ გასვლით მატჩზე კი 805 გულშემატკივარი უჭერდა მხარს "იუნაიტედს", ხოლო შარშან ევროპა ლიგის მასშტაბით "მიდტიულანდის" წინააღმდეგ მატჩში - 804.

წყარო: manutd.com