"ევერტონის" საფეხბურთო დირექტორი სტივ უოლში აცხადებს, რომ პირადად უხელმძღვანელებს "გუდისონ პარკზე" უეინ რუნის დაბრუნებას.

მიუხედავად იმისა, რომ რუნიმ "იუნაიტედის" ყველა დროის საუკეთესო ბომბარდირის სტატუსი უკვე მოიპოვა - ინგლისის ნაკრების ყველა დროის საუკეთესო ბომბარდირობის შემდეგ - ჟოზე მოურინიოს გუნდში მას კვლავ შეზღუდული სათამაშო დრო აქვს, რაც ჩინური სუპერ ლიგის კლუბებისგან მის მიმართ გამოჩენილი ინტერესის თაობაზე ჭორების გავრცელებას უწყობს ხელს.

სანამ აზიელი მდიდრები ინგლისელისგან უარს იღებენ, 31 წლის ფეხბურთელს მშობლიური "ევერტონი" ეპატიჟება, რომლის მთავარი მწვრთნელი, რონალდ კუმანი და სპორტული დირექტორი უოლში სიამოვნებით იხილავდნენ "იუნაიტედის" კაპიტანს საკუთარი გუნდის რიგებში.

უოლშმა The Times-ს განუცხადა: "ტოპ მოთამაშეა. თუ გვექნება მისი დაბრუნების შესაძლებლობა და ეს ყველასთვის მომგებიანი იქნება, მე თავად ვეცდები მის გადმობირებას.

ერთადერთი ადამიანი, ვისაც ხელის შეწყობა შეუძლია, უეინია და თავისთავად მნიშვნელოვანია, რამდენად სურს "ევერტონში" დაბრუნება".

წყარო: goal.com