ფედერიკო მაკედამ ''მანჩესტერ იუნაიტედის'' ოფიციალურ ვებ-გვერდს ექსკლუზიური ინტერვიუ მისცა.

U-21ში შესანიშნავ სეზონს ატარებ. კმაყოფილი ხარ ფორმით?

ზოგადად, კმაყოფილი ვარ. თუმცა მთავარია კარგი ფორმის შენარჩუნება, რათა გუნდს ფინალურ ეტაპზე გასვლაში დავეხმარო.

ხანდახან თავდასხმაში მარტო გიწევთ თამაში, რამდენად ძნელია თავდამსხმელობა U-21ში?

ჩვენი გუნდი სამი თავდამსხმელით თამაშობს, სადაც ცენტრ ფორვარდად თამაში მიწევს. ეს საშუალებას მაძლევს სხვა და სხვა ზონაშიც გადავინაცვლო.

შენ შესანიშნავად გამოიჩინე თავი შობამდე, შენი გოლები ძალიან დაეხმარა იუნაიტედს ფინალურ ეტაზე გასვლაში.

დიახ, ეს მნიშვნელოვანი იყო, როგორც ჩემთვის ასევე გუნდისთვისაც. ჩვენ ბოლო თამაშები უნდა მოგვეგო, თუ არა და მეორე ტურში ვერ გადავიდოდით. ბედნიერები ვიყავით, როდესაც პირველი ეტაპის გადალახვა შევძელით. სიმართლე გითხრათ, თუ თამაშობ ისეთ გუნდში როგორიც ''მანჩესტერ იუნაიტედია'' ნებისმიერ თამაშში ბოლომდე უნდა დაიხარჯო.

როგორ ფიქრობ, შესაძლოა შენმა ფორმამ მთავარ მწრთვნელზე გავლენა იქონიოს?

ამაზე ვერაფერს მოგახსენებთ, თუმცა როგორც თავდამსხმელი ვალდებული ვარ, ყოველ მატჩში გოლები გავიტანო. U-21 ში იყო ბომბარდირი, ეს ძალიან დიდი ბედნიერებაა.

შენ არ გიმართლებდა, როდესაც არენდით სხვა გუნდებში გადადიოდი, რადგანაც მაშინ მთავარ მწრთვნელებს გუნდის დატოვება უწევდათ...

დიახ, მე არ მიმართლებდა. თუმცა ეს დამეხმარა მე მიმეღო საჭირო გამოცდილება. ორჯერ მომიწია არენდით გუნდის დატოვება, ხოლო თუ მესამეჯერაც გამიშვებს გუნდი, ვფიქრობ კარგად გავუმკლავდები. მსურს რაც შეიძლება, ბევრჯერ მომიწიოს მატჩის ჩატარება. შესაძლოა ადრე შეცდომებს ვუშვებდი, თუმცა ახლა შევეცდები შეცდომებს თავი ავარიდო და გამოვიყენო ჩემი შანსები.

წყარო: manutd.com