თუ ლუკ შოუ ზაფხულში "მანჩესტერ იუნაიტედის" დატოვებას ისურვებს, "ტოტენჰემი" ამის საშუალებას პირველ რიგში მისცემს.

მარცხენა მცველი, რომლის ანგარიშზეც ინგლისის ნაკრებში ექვსი მატჩია, ჟოზე მოურინიოს გეგმებში ბოლო პერიოდში იშვიათად ფიგურირებს.

იგი არ იყო ევროპა ლიგის ეგიდით "სენტ-ეტიენთან" და ლიგის თასის ფინალის მატჩების განაცხადში, თუმცა შაბათს "ბორნმუთთან" შეხვედრა სასტარტო შემადგენლობაში დაიწყო.

მოურინიომ განმარტა, რომ 27 მილიონ ფუნტად შეძენილი ფეხბურთელი მარცხენა მცველის პოზიციაზე მეოთხე არჩევანს წარმოადგენს დეილი ბლინდის, მარკოს როხოსა და მატეო დარმიანის შემდეგ, რაც ავტომატურად ნიშნავს, რომ ლუკს არასაკმარისი სათამაშო პრაქტიკა აქვს.

შედეგად, იგი მზად იქნება თავის ხელფასზე, კვირაში 80 ათას ფუნტზე უარი თქვას და მის შემცირებას დასთანხმდეს, თუკი რეგულარულად თამაშის საშუალება ექნება.

"ტოტენჰემის" მთავარი მწვრთნელი, მაურისიო პოჩეტინო შოუს კარგად იცნობს, ვინაიდან სწორედ იგი დაეხმარა "საუთჰემპტონში" თავის გამოჩენაში, როცა არგენტინელი და ინგლისელი "წმინდანების" რიგებში ერთად მუშობდნენ.

მიუხედავად იმისა, რომ დენი როუზმა "დეზებთან" ხუთწლიანი კონტრაქტი გააფორმა, მის მიმართ "მანჩესტერ სიტის" მხრიდან გამოვლენილი ინტერესი პოჩეტინოს თავის დაზღვევას აიძულებს და თუკი "ქალაქელები" დიდ თანხას შესთავაზებენ როუზის სანაცვლოდ, მაურისიო შოუს შეძენას ეცდება.

წყარო: mirror