"მანჩესტერ იუნაიტედის" მთავარი მწვრთნელი ჟოზე მოურინიო მიიჩნევს, რომ ლუკ შოუს მნიშვნელოვანი როლის თამაში შეუძლია კლუბის წარმატებაში, თუკი სრულად გამოავლენს პოტენციალს, რომელიც მას აქვს.

ინგლისელ მარცხენა მცველს იანვრის შუა რიცხვებში ვარჯიშის განახლების შემდეგ მხოლოდ ერთი მატჩი აქვს ჩატარებული და როგორც "იუნაიტედის" მწვრთნელმა განაცხადა, "ბორნმუთთან" მატჩში მას განაცხადში შეიყვანს.

შოუს მომავლის შესახებ ჭორები არ წყდებოდა, მაგრამ პორტუგალიელმა დაადასტურა, რომ მასთან განშორება არ სურს.

"პრაქტიკულად ბევრი მარცხენა მცველი გვყავს. ასე არ ჩანს, მაგრამ რეალობა ის არის, რომ დეილი ბლინდი, შოუ, მარკოს როხო, მატეო დარმიანი მარცხენა მცველად თამაშობენ. ისინი განსხვავებული ფეხბურთელები არიან.

ვფიქრობ, ერთ-ერთი, ვინც მომდევნო წლებში მათ შორის საუკეთესო უნდა გახდეს - რადგანაც მას ყველანაირი პირობა აქვს ამისთვის - ლუკ შოუა.

ასაკის, ფიზიკურობის, ინტენსიურობის, შეტევაში აგრესიულად ჩართვის გათვალისწინებით მას საუკეთესოობა შეუძლია.

მაგრამ იმისათვის, რომ იყო საუკეთესო, ბევრი უნდა იშრომო. ის სწორედ ამას აკეთებს", - განაცხადა მოურინიომ.

წყარო: skysports