ჟოზე მოურინიო აღნიშნავს, რომ "მანჩესტერ იუნაიტედში" მისმა მოღვაწეობამ დაამტკიცა, რომ სულაც არ არის ისეთი ცუდი ხასიათის მქონე, როგორც ბევრს ეგონა.
მოურინიოს რწმენით, კლუბის სავარჯიშო კომპლექსზე მან ჰარმონიული ატმოსფერო შექმნა და აკრიტიკებს მათ, ვისაც სხვაგვარად მიაჩნია. "ვფიქრობ, "მანჩესტერ იუნაიტედმა" ისწავლა, რომ მონსტრი არ ვარ, როგორც ამას თქვენ ამბობთ. არ ვარ ცუდი ბიჭი, ქედმაღალი ბიჭი ან რთულად სამუშაო ადამიანი. როგორც მინიმუმ, დღემდე არავინ გაქცეულა ჩემი ვარჯიშებიდან. ხალხი ბედნიერია ჩემ გვერდით ყოფნით, ჩემთან ერთად მუშაობით. ფეხბურთელებთან ძალიან კარგი ურთიერთობა მაქვს", - განაცხადა პორტუგალიელმა.
"იუნაიტედის" ხელმძღვანელობაზე საუბრისას მწვრთნელმა დაამატა: "ჩემს ხელმძღვანელებთან და კლუბის მფლობელებთან მხოლოდ პროფესიონალური ურთიერთობა არ მაქვს, ჩვენ შორის ნდობა და უფრო დიდი ურთიერთობაა, ვიდრე კონტრაქტი, მწვრთნელობა, მფლობელობა და ხელმძღვანელობა გულისხმობს.
ბედნიერი ვარ. ჩემი რწმენით, ყველა ბედნიერია, მაგრამ მე ევოლუცია და გაუმჯობესება მჭირდება".