ჟოზე მოურინიომ დაადასტურა, რომ ლუკ შოუ და უეინ რუნი "მანჩესტერ იუნაიტედის" განაცხადში იქნებიან, როცა "ოლდ ტრაფორდზე" "ბორნმუთი" ჩავა სათამაშოდ.

"წითლებს" სამი კვირის განმავლობაში არ უთამაშიათ ინგლისის ჩემპიონატში, რადგანაც ინგლისის თასის მეხუთე რაუნდისა და ლიგის თასის ფინალური მატჩები ჩაატარეს.

შოუ კი 29 იანვრის შემდეგ არ გასულა მეოდანზე, მაგრამ პორტუგალიელმა დაადასტურა, რომ მარცხენა მცველი ედი ჰაუს გუნდის წინააღმდეგ მატჩში განაცხადში იქნება.

პარასკევს გამართულ მატჩის წინ პრესკონფერენციაზე მწვრთნელმა ჟურნალისტებს განუცხადა: "თქვენთვის "კარგი ამბავი მაქვს ლუკ შოუს შესახებ. ხვალინდელი მატჩის განაცხადში იქნება, ასე რომ, აღარ არის საჭირო სასტუმრო "ლოურიში" გუნდისთვის ფოტოების გადაღება და სიის შედგენა, რადგან ლუკი ხვალ იქნება.

კვლავაც, ეს მორიგი წინ გადადგმული ნაბიჯია განაცხადში მოუხვედრელობის, ფინალში არყოფნის, სათადარიგოთა სკამზე უმყოფელობის შემდეგ. ახლა, რუნის მსგავსად ისიც იქნება განაცხადში და სათადარიგოთა სკამზე იქნება თუ ითამაშებს, ჩვენთვის ერთ-ერთი არჩევანია."

შოუს შრომით ეთიკაზე საუბრისას მწვრთნელმა განაგრძო: "ლუკი ბევრს შრომობს გასაუმჯობესებლად. ფიზიკური თვალსაზრისით უკეთესი გახდა და დანამდვილებით შემიძლია იმის თქმა, რომ კარგი სპეციფიური სამუშაო გასწია და ახლა მოედანზე დროის გატარება სჭირდება, რათა სათამაშო სიცოცხლე შეიგრძნოს. მოედანზე უნდა დაამტკიცოს, რომ ევოლუცია მხოლოდ ფიზიკურობას კი არ ეხება, გლობალურიცაა, რადგან ფეხბურთელობა გლობალურობას ნიშნავს და არა მხოლოდ ფიზიკური კონდიციებს."

რუნის თაობაზე, რომელიც შოუს მსგავსად განაცხადში იქნება, ჟოზემ თქვა: "მეორე, რისი თქმაც შემიძლია, ის არის, რუნი ხვალინდელი მატჩის განაცხადშიც იქნება და ან სასტარტო შემადგენლობაში დაიწყებს მატჩს, ან შეცვლაზე შემოვა. იმ მომენტიდან, როცა დარჩენა და გუნდის დახმარება, "მანჩესტერ იუნაიტედისთვის" ბრძოლა გადაწყვიტა, ჩვენთვის მნიშვნელოვანი ფეხბურთელია".

წყარო: manutd.com