ფილ ჯონსი აცხადებს, რომ მოედანზე დაბრუნებას და თამაშს პრემიერ ლიგის მომდევნო ტურშივე შეძლებს.
ცენტრალური მცველი თებერვლის დასაწყისში "ჰალ სიტისთან" უგოლო მატჩის შემდეგ არ გასულა მოედანზე, მაგრამ გუნდთან ერთად ვარჯიშობს და თავს კარგად გრძნობს.
"პოზიუტი ამბებია. ბოლო რამდენიმე დღის განმავლობაში ვივარჯიშე და მოუთმენლად ველოდები დაბრუნებას.
როგორც მახსოვს, სამი კვირა გამოვტოვე, ამიტომ ლიგის თასის ფინალამდე ორი დღით ადრე ვარჯიშის შემთხვევაშიც კი არ ველოდი მატჩში მონაწილეობის მიღებას. ძალიან რთული და სამწუხარო იყო, მაგრამ ასეთი რამეები ხდება.
თუმცა ბრწყინვალე დღე იყო გულშემატკივრებისთვის, ფეხბურთელებისთვის, მწვრთნელისა და შტაბისთვის. ჩვენი საუკეთესო მატჩი ნამდვილად არ იყო, მაგრამ ბოლო ათწლეულს თუ გადახედავთ, საქმე იმაში არ არის, როგორ ვითამაშეთ, მთავარი მოგება ან წაგებაა და ჩვენ მოვიგეთ", - განაცხადა ინგლისელმა.