მინო რაიოლას მიაჩნია, რომ ზლატან იბრაჰიმოვიჩმა ლიგის თასის ფინალში თავის გამოჩენით კრიტიკოსებს არა მარტო ინგლისში წარმატებულობა, არამედ მთვარესა და მარსზე ამის მიღწევის უნარიც დაუმტკიცა.

შვედმა დუბლით გამოიჩინა თავი "საუთჰემპტონთან" მატჩში, რის შედეგადაც "წითლებმა" მიმდინარე სეზონში პირველი ტიტული მოიგეს.

ეს ტიტული მეორე თასია იბრაჰიმოვიჩისთვის, რომელიც ინგლისურ მიწაზე მოიგო და ამისთვის მხოლოდ რამდენიმე თვე აღმოჩნდა საკმარისი.

რაიოლას კი მიაჩნია, რომ ზლატანმა უკვე დაუმტკიცა თავის კრიტიკოსებს თავისი შესაძლებლობების პრემიერ ლიგაში ჩვენების უნარიც.

"ბევრი რამ აქვს მოგებული, მაგრამ ლიგის თასზე მიღწეული წარმატება ჩემთვის ასევე მნიშვნელოვანია პრემიერ ლიგის მხრიდან მისდამი გამოვლენილი ურწმუნოების გამო.

ეს ერთ-ერთი გამოწვევა იყო, რომელიც მივიღეთ. მას შეეძლო, უფრო მეტი ფულისა თუ სხვა კლუბში თამაშისთვის სხვაგან გადასულიყო, მაგრამ ერთ-ერთი გამოწვევა პრემიერ ლიგაში გადასვლა და იმის დამტკიცება იყო, რომ აქაც შეძლებდა გოლების გატანას.

ერთი წუთითაც კი არ შემპარვია ეჭვი, რომ ამას მოახერხებდა, მაგრამ პრემიერ ლიგასა თუ ინგლისურ ფეხბურთში მოღვაწე ბევრ ადამიანს ეპარებოდა. არა მგონია, კიდევ ვინმე ფიქრობდეს ასე, თუმცა რას გაიგებ!"- განაცხადა რაიოლამ.

მინო გაკვირვებულია, რომ იბრაჰიმოვიჩში პრემიერ ლიგის კლუბებს ეჭვი ეპარებოდათ.

"ინგლისის რამდენიმე კლუბი იყო, რომლებიც ეჭვობდნენ, იმავეს შეძლებდა თუ არა აქ და ამ შეკითხვით ცოტა შეძრული ვიყავი, რადგან ინგლისში სიმწვავე ასეთი მნიშვნელოვანია - შესაძლოა, ერთ-ერთი ყველაზე მნიშვნელოვანი ატრიბუტი პრემიერ ლიგაში.

არ ვიცი, რაში ეპარებოდათ ეჭვი, მის უნარებში თუ სიმწვავეში, ეს შეკითხვა მათ უნდა დაუსვათ. მე კი არასდროს დავეჭვებულვარ. თუ ეს ყველგან შეძლო, სადაც იყო, იმის გათვალისწინებით, თუ როგორი ადამიანია მოედანზე და მის ფარგლებს გარეთ, რატომ ვერ გააკეთებს სხვაგან? ის ერთადერთი ფეხბურთელია, რომელიც მარსზე ან მთვარეზეც კი წარმატებული იქნებოდა."

როცა ჰკითხეს, ინგლისიდან მანამდე თუ გამოიჩინეს ინტერესი, რაიოლამ უპასუხა: "არა იმ დონეზე, რაც გვსურდა. რთულიც იყო, რადგან ამის დრო არ დამდგარა. თავისუფალი აგენტი არასდროს ყოფილა, რადგან ყოველთვის ტოპ-კლუბებს სურდათ მისი შეძენა. მაგალითად, დიდ ალექს ფერგიუსონს არასდროს უთხოვია მისი შეძენა.

რთულია იპოვო ვინმე, ვისაც მისნაირი მენტალური სწრაფვა, მონდომება, ფიზიკური მომზადება და ტექნიკური უნარები ერთდროულად აქვს.

წლების განმავლობაში ვამბობდი, რომ საუკეთესოა, რადგან არცერთი ის ტოპ-მოთამაშე, რომლებიც ამჟამად ასპარეზობენ, ასეთი სრულყოფილი არ არის.

არავის შეურაცხყოფას არ ვაყენებ, მაგრამ 10-15 წელი ერთ კლუბში ყოფნა სრულიად განსხვავდება კლუბების გამოცვლისგან, ახალად შეგუებისგან და წარმატების მიღწევისგან. მას ეს შეუძლია."

წყარო: goal.com