ნახევარმცველს, რომლის შესანიშნავი ჩაწოდების შემდეგ ზლატანმა შეძლო გამარჯვების გოლის გატანა ფინალურ მატჩში, სჯერა, რომ მოურინიოს გამარჯვების მენტალიტეტი მთელ გუნდზე მოქმედებს. ჟოზემ უკვე მოახერხა მცირე დროში ორი ტიტულის მოგება გუნდთან ერთად.

"საუთჰემპტონმა ძალიან კარგად ითამაშა, მაგრამ ჩვენ ამას ვეძებდით მთელი სეზონი." ამბობს ერერა

"რამდენჯერ ვითამაშეთ ჩვენს მოწინააღმდეგეებზე უკეთესად და რამდენად უფრო მეტ მომენტების ვქმნიდით, ვიდრე ჩვენი მეტოქეები და ვერ ვიმარჯვებდით? მე ვამბობდი, რომ ადრე თუ გვიან გოლები მოვიდოდა და ვფიქრობ ჩვენ ძალიან, ძალიან დამაჯერებლები ვიყავით კვირას."

"ხანდახან თამაშს სამკერდე ნიშანი იგებს და ეს იყო ამის მაგალითი. ძალიან კარგი გრძნობაა. ჩვენი მეორე ტიტული ამ სეზონში, ჩემთვის მესამე და სამივე გამარჯვება მოხდა უემბლის სტადიონზე, რაც შესანიშნავია! ჩვენს ფანებს და შესანიშნავ ისტორიას კიდევ ერთი ტიტული შეემატა, ასე რომ ყველაფერი კარგადაა."

ნახევარმცველმა დაამატა: "მე ვფიქრობ კიდევ ერთი რამ, რაც ჟოზემ მოუტანა გუნდს, არის ის, რომ იგი გამარჯვებულია და ეს შეგრძნება მთელ გუნდს და შემადგენლობას გაგვიზიარა. ამ მომენტისთვის ჩვენი დამარცხება არც ისე ადვილია. ჩვენ წინ მივიწევთ, ეს ჩვენი მეორე ტიტულია, მაგრამ ეს საკმარისი არ არის. ჩვენ უკვე ფოკუსირებულნი ვართ "ბორნმუთთან" მატჩზე, ჩვენი მიზანია ოთხეულში მოხვედრა. გვსურს ვითამაშოთ ჩემპიონთა ლიგაზე შემდეგ სეზონში".

წყარო: manutd.com