ჟოზე მოურინიომ დღეს ლიგის თასი მეოთხეჯერ მოიგო, რაც იმას ნიშნავს, რომ ამ ტიტულის მოგებათა რაოდენობით ბრაიან კლაფსა და სერ ალექს ფერგიუსონს გაუტოლდა.

"მანჩესტერ იუნაიტედმა" ფინალურ შეხვედრაში "საუთჰემპტონს" 3-2 მოუგო ზლატან იბრაჰიმოვიჩის დუბლისა და ჯესი ლინგარდის გოლის წყალობით.

მანოლომ გაბიადინიმ შეხვედრის დებიუტში შეარხია დე ხეას კარის ბადე, მაგრამ გოლი თამაშგარე მდგომარეობის გამო არ ჩაითვალა, თუმცა იტალიელმა მოგვიანებით მაინც შეძლო დუბლის გაფორმება.

2-2 ანგარიშზე ზლატანმა ასევე დუბლი გაიფორმა შეხვედრის მიწურულს, რითაც "იუნაიტედს" მეხუთე, მოურინიოს კი მეოთხე ლიგის თასი მოუპოვა.

პორტუგალიელმა აქამდე "ჩელსისთან" ერთად მიაღწია წარმატებას 2005, 2007 და 2015 წლებში.

აქვე უნდა აღინიშნოს, რომ ჟოზე მოურინიო "იუნაიტედის" ისტორიაში პირველი მწვრთნელია, რომელმაც "ოლდ ტრაფორდზე" მუშაობის პირველივე სეზონში მოახერხა ძირითადი ტიტულის მოგება.