ჟოზე მოურინიომ "უემბლის" საოცარი სტადიონი უწოდა და განაცხადა, რომ მოუთმენლად ელის ლიგის თასის ფინალში "საუთჰემპტონის" წინააღმდეგ თამაშს.
"წითლები" მეხუთედ ეცდებიან ლიგის თასის მოგებას, "წმინდანების" დამარცხების შემთხვევაში კი მოურინიო მეოთხედ გახდება ამ ტიტულის მფლობელი, რაც ავტომატურად ნიშნავს, რომ პირველი მწვრთნელი იქნება, ვინც "ოლდ ტრაფორდზე" მუშაობის პირველივე წელს მოიგო დიდი ტიტული.
პორტუგალიელმა "იუნაიტედის" მწვრთნელის რანგში უკვე ჩაატარა ინგლისის ეროვნულ სტადიონზე ერთი მატჩი - აგვისტოში "ლესტერ სიტის" წინააღმდეგ ქომუნითი შილდის შეხვედრა - და მოუთმენლად ელის იქ დაბრუნებას. "ფანტასტიკურია. ძველ "უემბლიზე" მისტერ ვან გაალის ასისტენტის რანგში ვიყავი, როცა ჩემპიონთა ლიგის მატჩში "არსენალი" და "ბარსელონა" შეხვდნენ ერთმანეთს, ეს საოცარი იყო. დიდებული შეგრძნება.
მერე 96 წლის ევროპის ჩემპიონატის მატჩს დავესწარი, რომელშიც პოლ გასქოინმა შოტლანდიის წინააღმდეგ გაიტანა. საოცარი.
პირველი ინგლისის თასის ფინალური მატჩიც სწორედ "უემბლიზე" ჩავატარე და ყოველთვის მომწონდა დაბრუნება, ქომუნითი შილდზეც კი. სათამაშოდ საოცარი სტადიონია", - განაცხადა მოურინიომ.