"მანჩესტერ იუნაიტედის" მთავარი მწვრთნელი, ჟოზე მოურინიო აცხადებს, რომ მისთვის მთავარ საზრუნავს ლიგის თასის მოგება წარმოადგენს და არ აღელვებს, თუ აღმართავს მოგებულ თასს.
როგორც წესი, მოგებულ ტიტულს პირველად გუნდის კაპიტანი სწევს, მერე კი დანარჩენი ფეხბურთელები, მაგრამ უეინ რუნიმ "იუნაიტედის" სასტარტო შემადგენლობაში ადგილი დაკარგა და მოსალოდნელია, რომ იგი არც ფინალს დაიწყებს პირველივე წუთებიდან.
თუმცა, მოურინიოს არ აღელვებს, ვინ აღმართავს ტიტულს, მისთვის მოგებაა მთავარი.
"არ ვიცი, არ მაღელვებს. თუ მოვიგებთ, სულერთია, ვინ აღმართავს. ეს საკითხი არ მაღელვებს, მთავარი მატჩის მოგებაა.
ის ჩვენი კაპიტანია, ითამაშებს თუ სათადარიგოთა სკამზე მოხვდება. შეცვლაზე შესვლის შედეგად ჩაერთვება თამაშში თუ სასტარტოში იქნება და მოედანს დატოვებს, ყოველთვის ჩვენი კაპიტანი იქნება. ამიტომაც არ მაღელვებს, ვინ აღმართავს ტიტულს, არა მგონია, მას აღელვებს, არც ის მგონია, ეს ვინმეს აღელვებდეს. ჩვენ მხოლოდ გამარჯვება გვსურს", - განაცხადა მოურინიომ.