ლიგის თასის ფინალში ყველას ყურადღება მსოფლიო დონის ცნობილი ფეხბურთელებისკენ იქნება მიპყრობილი, მაგრამ საყრდენ ზონაში მოთამაშე ანდერ ერერა და ორიოლ რომეუ ორივე გუნდის მნიშვნელოვანი ფიგურაა.

გასულ სეზონში ნ'გოლო კანტე კლაუდიო რანიერის გუნდის მნიშვნელოვანი ფეხბურთელი გახდა, როცა "ლესტერ სიტიმ" სენსაციურად მოიგო პრემიერ ლიგა. ამ სეზონში კი ფრანგი თავის დიდებას ლონდონის "ჩელსიში" ასპარეზობისას ამართლებს: "ლურჯები" დამაჯერებლად მარშირებენ პირველ ადგილზე და დაქვეითებას სულაც არ აპირებენ. ამის შემდეგ 2016/17 წლების სეზონში მშრომელი ნახევარმცველები ტრენდად იქცა და პრემეირ ლიგის ბევრი გუნდი მორჩილად დაეძებს მას. ეს ეხებათ ინგლისის ლიგის თასის ფინალისტებსაც. ანდერ ერერა და ორიოლ რომეუ უდიდეს სამუშოს ასრულებენ და თავიანთ გუნდში შეუცვლელი ფეხბურთელები არიან.

თუმცა, ერთსა და იმავე პოზიციაზე თამაშის ფონზეც კი კონტრასტული ამ ფეხბურთელების სტილი. მოდით, ამ მომენტს ახლოდან შევხედოთ.



ერერას, რომეუსა და კანტეს შედარება



"ეშმაკების" სიღრმისეული ფლეიმეიქერი

ლუი ვან გაალის ხელმძღვანელობისას ანდერ ერერა "მანჩესტერ იუნაიტედში" იშვიათად ბრწყინავდა, მაგრამ ჟოზე მოურინიოს გუნდში ესპანელი გაიხსნა და სიღრმიდან მოქმედი ფლეიმეიქერის როლში ნათლად ანათებს.

სტატისტიკა გვიჩვენებს, რომ ერერამ მიმდინარე სეზონში უფრო მეტი ორთაბრძოლა მოიგო, უფრო მეტი ჩაჭრა და პასი განახორციელა, ვიდრე კანტემ, თუმცა 4 მატჩით ნაკლები აქვს ჩატარებული. საშუალოდ კი ერთ მატჩში თითქმის იმდენივე წართმევას ახორციელებს, რამდენსაც ფრანგი.



27 წლის ნახევარმცველმა მეტოქის ნახევარზე 1028 პასი გააკეთა. ნახევარმცველებს შორის მეხუთეა, ვინც ოთხნიშნა რიცხვი აჩვენა ამ სტატისტიკაში.

ეს ციფრები ცალსახად გვიჩვენებს, რომ ანდერი შეუცვლელია არა მარტო მის დაცვით საქმიანობაში, არამედ წამყვანი ჭანჭიკია გუნდის შეტევაშიც.



"წმინდანების" მყარი ფარი

"ბარსელონას" აღზრდილმა ორიოლ რომეუმ "ჩელსიში" ასპარეზობის 4 წლის განმავლობაში ვერ მოახერხა თავის გამოჩენა. 2015 წლის ზაფხულში იგი 5 მილიონ ფუნტად "საუთჰემპტონს" შეუერთდა, როცა "წმინდანების" საყრდენმა ზონამ ვიქტორ ვანიამა დაკარგა.

ამის შემდეგ კი რომეუ ინგლისის სამხრეთ მხარეში წარმატებით ასპარეზობს. მიმდინარე სეზონში რომეუ საშუალოდ ერთ მატჩში განხორციელებული წართმევითა და ჩაჭრით კანტეს გაუთანაბრდა. მოგებული ორთაბრძოლები, მათ შორის საჰაეროც, და ბურთის დაბრუნება ჯამში ნ'გოლოზე მეტიც კი აქვს.



ერერასგან განსხვავებით 25 წლის საყრდენი უფრო ღრმად თამაშობს და უფრო მეტ დაცვით ფუნქციას ითავსებს. თავისი მცველებისთვის ფარია. თავისი პასების 46% საკუთარ ნახევარზე აქვს გაკეთებულია, ძირითადად კი საკუთარი საჯარიმოს სიახლოვისა და ცენტრალურ რგოლში გამყოფ ხაზზე მოქმედებს.

რომეუ თავის დაცვას იცავს და მისი თამაშის წყალობით "საუთჰემპტონს" ჯერ არცერთი გოლი არ გაუშვია ლიგის თასზე.

მანჩესტერელებმა ამ ფარის გატეხვა კვირასვე უნდა სცადონ, თუმცა "წმინდანებსაც" მოუწევთ გარღვევა დაცვისა, რომელმაც პრემიერ ლიგის მიმდინარე სეზონში მხოლოდ 21 გოლი გაუშვა.

წყარო: skysports