როგორც მოგეხსენებათ, ჟოზე მოურინიო ოთხ ფრონტზე იბრძვის: ლიგის თასზე, FA Cup-ზე, ევროპა ლიგაზე და პრემიერ ლიგაში. მისი ნებისმიერი ტიტული, რა თქმა უნდა, გააუმჯობესებს საკუთარ აქტივს და ხელმძღვანელობაც არ იქნება უკმაყოფილო.
მოურინიოს შეუძლია ბრწყინვალე პერფომანსის მეშვეობით დღეს ტიტული მოიპოვოს, რადგან მას კლოდ პაუელსის ”საუთჰემპტონთან” ”უემბლიზე” აქვს სათამაშო.
ერერას განცხადებით, გუნდი მაქსიმალურად უნდა ეცადოს ამ წარმატების მიღწევას.
”ყველა, ვინც ჩვენს თამაშებს უყურებს, დააკვირდება, რომ ჩვენი გუნდი სწრაფ თამაშს თამაშობს. თითქმის ყველა მატჩი ჩვენი კარნახით მიდის, ყველა თუ არა უმრავლესობა”.
”როდესაც ”ბლექბერნმა” გაგვიტანა, უკანმოუხედავად არ წავედით შეტევაში. ჩვენ ვაკონტროლებდით მატჩს და აღარ შევაქმნევინეთ მეტოქეს მომენტი. ”მანჩესტერ იუნაიტედს” ბევრი ფეხბურთელი ჰყავს, რომელსაც ეს გუნდი უნდა დაეყრდნოს და ნდობა გამოუცხადოს” - ამბობს ერერა.
”ვერ ვიტყვი, რომ შეუძლებელია ამ თასის მოგება, ვფიქრობ, რთულია და იმედი მაქვს, რომ ჩემი ამჟამინდელი კლუბი მოახერხებს ამ ტიტულის მოგებას, რადგან ჩვენ ვართ კომპაქტური გუნდი და შევქმნით ბევრ მომენტს.”იუნაიტედი” ამჟამად კარგ ფორმაშია, მაგრამ ყოველთვის ვამბობ, ფეხბურთს არ უყვარს მატჩების დამახსოვრება, თუ ჩვენთვის ყველაფერი ცუდად დასრულდა ”უემბლიზე”, მყისიერად უნდა დავივიწყოთ ეს ფინალი” - დაასრულა ანდერმა.