"მანჩესტერ იუნაიტედის" მთავარი მწვრთნელი, ჟოზე მოურინიო აცხადებს, რომ "ბორნმუთთან" შეხვედრაში მისი გუნდი პრემიერ ლიგის ოთხეულში შესვლაზე ფიქრით მიუდგება და ყურადღებას არ მიაქცევს შედეგს ფინალისა, რომელიც კვირას გაიმართება.
ლიგის თასის ფინალში "წითელი ეშმაკები" "საუთჰემპტონს" შეხვდებიან და მოურინიო მიმდინარე სეზონში პირველი ტიტულის მოგებას ეცდება (ქომუნითი შილდის გარდა), რაც მას ისტორიაში შეიყვანს. პორტუგალიელი პირველი მწვრთნელი გახდება, რომელიც "იუნაიტედს" პირველივე სეზონში ტიტულს მოაგებინებს.
"წმინდანები" ფინალს ლიგის თასზე გოლის გაშვების გარეშე ჩატარებული მატჩების ისტორიით ხვდებიან და მოურინიო შესანიშნავად აცნობიერებს გუნდის შესაძლებლობებს.
"საუთჰემპტონი" საოცრად კარგად ასპარეზობს ამ ტურნირზე. ჩვენ რთული სერია გვქონდა, პრემიერ ლიგის სამ გუნდს შევხვდით; სახლში "ვესტ ჰემი" მივიღეთ, "ჰალთან" ორი მატჩი ჩავატარეთ და "მანჩესტერ სიტი". "საუთჰემპტონმა" ფენომენალურად იასპარეზა, ორი მატჩი ჰქონდათ "ლივერპულთან", გასვლაზე ეთამაშეს "არსენალს" და როგორც მახსოვს, "კრისტალ პალასსაც" შეხვდნენ საშინაო არენაზე [მოურინიოს "სანდერლენდთან" მატჩი გამორჩა]. ფენომენალური სერიაა, ყველა მატჩის მოგება და გოლის არ გაშვება, თასზე მოასპარეზე გუნდისთვის ფენომენალურია.
ვფიქრობ, ძალა და მოტივაცია უნდა გამოვნახოთ, მაშინაც კი, როცა შედეგი კარგი არ არის. "ბორნმუთს" ვხვდებით ფინალის შემდეგ და მნიშვნელობა არ აქვს, რა მოხდება "უემბლიზე", "ოლდ ტრაფორდზე" აუცილებლად უნდა დავბრუნდეთ. საუკეთესო ოთხეულში შესვლა ან ამის შანსის ქონა თუ გვინდა, "ბორნმუთი" უნდა დავამარცხოთ. ფინალი უნდა დავასრულოთ და მერე "ბორნმუთია". თუ მოვიგებთ, ბედნიერება ყოველთვის დაგვეხმარება მომდევნო მატჩში."