"მანჩესტერ იუნაიტედის" მწვრთნელი, ჟოზე მოურინიო მოუთმენლად ელის მიმდინარე კვირაში ლიგის თასის ფინალში გამოწვევას და "უემბლიზე" წარმატების მიღწევას ისახავს მიზნად.
"ჩელსიში" მუშაობის პერიოდში მოურინიომ სამჯერ მოიგო აღნიშნული ტიტული და შანსი აქვს, პირველი მწვრთნელი გახდეს "იუნაიტედის" ისტორიაში, რომელმაც პირველივე სეზონში მოახერხა ტიტულის მოგება.
მოურინიო მოუთმენლად ელის კვირას გასამართ შეხვედრას: "მე მხოლოდ თამაში მსურს, მოუთმენლად ველი. არ ვნერვიულობ. ფეხბურთში მრავალი წელი გავატარე, ბევრი ფინალი მითამაშია - ახლაც მხოლოდ თამაში მსურს.
გამარჯვება მსურს, თამაში მსურს, გამოწვევა მსურს. ფინალები და დიდი მატჩები მომწონს. პასუხისმგებლობის, დიდი პასუხისმგებლობის შეგრძნება მინდა - სულ ეს არის.
ჩემს ასისტენტებთან ერთად სადილად წავალ. პოზიტიურ განწყობაზე ვართ, ერთად ვართ და ახლა მხოლოდ მატჩზე ვფიქრობთ. უბრალო მორიგი თამაში არ არის, ყოველთვის განსაკუთრებული შეხვედრაა. ყველაფერი ნორმალურია - ვივარჯიშეთ, ვიმგზავრეთ, მზად ვართ."