ლიგის თასის ფინალისთვის მზადების პროცესში ჟოზე მოურინიომ აღნიშნა, რომ ყველა ფეხბურთელს სულაც არ აქვს ისეთივე გამარჯვებულის მენტალიტეტი, როგორც მას.

2005 წლის შემდეგ პრემიერ ლიგის ჩემპიონობის სამჯერ მოპოვებისა და "პორტუს", "ინტერსა" და "რეალთან" ერთად წარმატების მიღწევის შემდეგ პორტუგალიელმა ნამდვილად იცის, რაც არის ტიტულების მოგება.

"წითელ ეშმაკებს" სეზონის სტარტზე უკვე მოაგებინა ქომუნითი შილდი, როცა "ლესტერ სიტი" 2-1 დაამარცხა, ამის გარდა კი გუნდი ოთხ სხვადასხვა ტურნირზე იბრძვის.

ლონდონში გასამართი მატჩის წინ მოურინიომ მედიას მიმართა და აღნიშნა, თუ რამდენად მნიშვნელოვანია გუნდში გამარჯვებულის მენტალიტეტის დანერგვა, რათა ნიჭიერმა ფეხბურთელებმა უქმად არ დახარჯონ თავიანთი ტალანტი.

"ფეხბურთელებისთვისვეა კარგი, თუ მორიგ ტიტულს მოვიგებთ და უფრო მეტისთვის ვიბრძოლებთ. ამ კლუბის ისტორიას ყველა ვიცნობთ. ფეხბურთი იცვლება და ახლა უფრო რთული გახდა, ვიდრე მანამდე იყო.

წინა სეზონი კლუბისა და ფეხბურთელებისთვის ძალიან რთული გამოდგა. ყველამ ერთად, მწვრთნელმა და ფეხბურთელებმა, შეძლეს ტიტულის მოგება. კარგი შეგრძნებაა, ამიტომ ჩვენც ვეცდებით.

ჩემი კარიერის განმავლობაში რამდენიმე ფეხბურთელთან მქონია შეხება, რომელთა წაქეზებაც მომიხდა წარმატების მისაღწევად. მაგრამ ყველა არ იყო ასეთი.

მიუხედავად იმისა, რომ სუპერ ნიჭს ფლობდნენ, გამარჯვებისთვის დაბადებულნი სულაც არ იყვნენ, თუმცა ისეთებიც მხვდებოდნენ, ვინც ყოველდღე იბრძოდა გამარჯვებისთვის.

ძანეტისა და ლამპარდის მსგავსი ფეხბურთელების პოვნა ყოველდღე როდი შეიძლება. მაგრამ ის ფეხბურთელები, რომლებიც ახლა მყავს, მიჩვენებენ, რომ ამ მატჩის მოგება სურთ და ახლა მხოლოდ ამას აქვს მნიშვნელობა", - განაცხადა მოურინიომ.

წყარო: goal.com