"ბლექბერნთან" მატჩში ზლატან იბრაჰიმოვიჩის მიერ გატანილი გამარჯვების გოლი პოლ პოგბამ შექმნა, რაც ნათლად გვიდასტურებს, თუ რამდენად შედეგიანი შვედისა და ფრანგის წყვილი.

ეს მეხუთე საგოლე გადაცემა იყო პოგბასი, რომელიც იბრაჰიმოვიჩს გაუკეთა და წინა ოთხ შემთხვევაში გაკეთებული პასებიც არ იყო ნაკლებად მნიშვნელოვანი.

პირველი საგოლე გადაცემა ნახევარმცველმა თავდამსხმელს "ვესტ ჰემთან" მატჩში გაუკეთა, რითაც შვედმა ანგარიში გაათანაბრა.

ამის შემდეგ პოგბას პასით ზლატანმა "ზარიასთან" გაზარდა სხვაობა, ექვს დღეში კი ამავე დუეტმა "იუნაიტედს" "კრისტალ პალასთან" მატჩში სამი ქულა მოუპოვა.

ფრანგმა კიდევ ერთი გოლი გაატანინა იბრაჰიმოვიჩს ბოქსინგ დეიზე, როცა "იუნაიტედის" ცხრიანმა "სანდერლენდის" კარი დალაშქრა.