"შეფილდ უენსეიში" იჯარის წესით მყოფმა ჯო რაილიმ ვარჯიშზე მხარი ამოიგდო, რის გამოც "მანჩესტერ იუნაიტედში" დაბრუნდა.
მცველმა, რომელიც იანვარში გადავიდა პირველი ლიგის ლიდერთა რიგებში, გუშინ გამართულ ვარჯიშზე მიიღო ტრავმა და წინასწარი შეთანხმება, რომლის მიხედვითაც რაილი "შეფილდში" სეზონის ბოლომდე უნდა დარჩენილიყო, გაუქმდა.
20 წლის ფეხბურთელმა ორი მატჩი ჩაატარა იჯარის წესით განათხოვრების პერიოდში, როცა "პიტერბორო იუნაიტედთან" მოგებული შეხვედრის უკანასკნელ წუთზე შევიდა მოედანზე, შემდეგ კი სრული მატჩი ჩაატარა "ბრისტოლ სიტისთან" ფრედ დასრულებულ შეხვედრაში.
რაილი "იუნაიტედის" სარეზერვო გუნდში გამორჩეული ფიგურა იყო და მარცხენა მცველის პოზიციაზე შეტევაში ხშირად ერთვებოდა, 2015/16 წლების სეზონში კი ვან გაალის ხელმძღვანელობით ორი მატჩიც ჩაატარა პირველ გუნდში.